Khuzani Nkosikhona Innocent Mpungose, ophinde waziwe ngegama elithi Idlamlenze. Wazalelwa ngo-03 ngoZibandlela 1989, eMandaba eNkandla, KwaZulu-Natal, futhi ungomunye wabaculi abavelele emculweni kaMaskandi.
UKhuzani, yiqhawe lomculo kaMaskandi, elisebenza ngokuzikhandla futhi uzakhele udumo olukhulu ngenxa yephimbo lakho eliyingqayizivele nelihlaba umxhwele. ukuqopha kwakhe kuhambisana nomculo othinta imvelaphi yakho uma ungumuntu wesintu, futhi uhamba phambili ekuthuthukiseni lolu hlobo lomculo oluyingxenye ebalulekile yesiko lethu.
abalandeli bahlale bekhuluma ngobuhle nokunethezeka okuhambisana nesitayela sakhe sokugqoka. Izimphahla zakhe zikanokusho zithokozisa futhi zikhanga izethameli, ezinye zikhombisa ukuzethemba nokukhazimulisa isiko lamaZulu. Ukugqoka kwakhe kubonisa ukuzihlonipha nokuhlonipha izimpande zakhe zomdabu, kuhambisana nesiqu sakhe esiphakeme.
Njengomholi we-Blue Nation, uhole izinkumbi zabalandeli abazinikezele abaziqhenyayo. Leli qembu labalandeli bakhe, elibizwa ngegama le-Blue Nation, limuhlonipha kakhulu futhi libaluleke kakhulu kuye. Ungumholi onothando, okhombisa isibindi nokuzimisela, futhi uqhuba phambili ukukhombisa ukuthi impumelelo ingafinyelelwa ngokuzikhandla nokuba nethemba.
Ngaphezu kwakho konke, akagcini nje ngokuthokozisa abalandeli nabathandi bomculo wakhe , kodwa uba nesandla ekuthuthukiseni nasekukhuliseni izimpilo zabantu abaningi. Izihloko zomculo wakhe zihlala zihambisana nezindaba zabantu, ubuhle bemvelo, izinkinga zomphakathi, kanye nokukhuthaza ithemba nokuzethemba kubalandeli bakhe.
Kugqugquzeleka iningi labafisa ukuzihpilisa ngomculo uma kuhona umuntu owenza umsebenzi omkhulu kangaka futhi obaluleke kangaka ekuphakamiseni umculo kaMaskandi. Iqhaza lakhe liyaziswa futhi liyadunyiswa, futhi impumelelo yakhe iyisibonelo esihle kwabanye abaculi abasebasha abaphokophele ukungena embonini yomculo.
Sikufisela okuhle kuphela emsebenzini wakho futhi siyakuhalalisela ngazo zonke izimpumelelo zakho ezimangalisayo. Siyaziqhenya ngawe, Khuzani "Idlamlenze" Mpungose, ngokuba isibani esikhanyisayo emculweni kaMaskandi, nokugcina ifa lemvunulo yesiko lamaZulu liphila futhi lichuma.
